Müdafiə sənayesi sahəsi də perspektiv əməkdaşlıq istiqamətlərindən biridir.

2022-12-26 Baxış: 187
img

Prezident İlham Əliyevin həyata keçirdiyi məqsədyönlü tədbirlər nəticəsində ölkə həyatının bütün istiqamətlərində, o cümlədən ordu quruculuğu sahəsində son illərdə mühüm nailiyyətlər əldə olunub. Bu sırada dövlət başçısının Sərəncamı ilə 2005-ci ildə yaradılan Müdafiə Sənayesi Nazirliyinin fəaliyyəti mühüm yer tutur. Nazirliyin tabeliyinə verilən müəssislərdə qısa müddətdə yenidənqurma işlərinin aparılması, son illərdə həmin müəssisələrin maşın və avadanlıq parkının yenilənməsi məqsədilə dünyanın inkişaf etmiş ölkələrindən ən son texnoloji avadanlıqların alınıb quraşdırılması Ali Baş Komandanın bu sahənin inkişafına verdiyi önəmi bir daha göstərir. İndiyədək bu müəssisələrdə müxtəlif istehsal sahələri yaradılıb və bu sahələr Silahlı Qüvvələrin müasir tələblərə cavab verən müdafiə təyinatlı məmulatlarla təmin olunmasına geniş imkanlar açıb. Görülən işlərin nəticəsidir ki, Müdafiə Sənayesi Nazirliyi aviasiya, naviqasiya, cihazqayırma və digər istiqamətlər üzrə dünyanın inkişaf etmiş ölkələri ilə əməkdaşlıq edir. 2009-cu ildən başlayaraq nazirliyin müəssisələrində istehsal olunan məhsullar xaricdə keçirilən beynəlxalq müdafiə sənayesi sərgilərində də nümayiş etdirilir. Bu sərgilərdə Azərbaycan istehsalı olan məhsullar böyük maraqla qarşılanır. Müdafiə Sənayesi Nazirliyi bu günədək 15-dən artıq beynəlxalq sərgidə iştirak edib.

Son illərdə Azərbaycan Serbiya əlaqələrində dinamik inkişaf müşahidə olunur.
Azərbaycanla Serbiya arasında əməkdaşlığın daha da inkişaf etdirilməsində, əlaqələrin yeni mərhələyə qədəm qoymasında və daha da inkişaf etdirilməsində Serbiya Respublikası prezidenti Aleksadr Vuçiçin Azərbaycana rəsmi səfəri böyük rol oynamışdır.Bu səfər iki dövlət arasında mühüm strateji tərəfdaşlığa doğru növbəti addım olmaqla ölkələrin milli maraqlarına , xalqlarn dostluğuna xidmətə istiqamətləndirilib.Serbiya prezidentinin Azərbaycana səfəri və səfər zamanı keçirilən əhəmiyyətli görüşlərdə dövlət başçılarının, rəsmi dairələrin çıxışlarında səslənən fikirlər Azərbaycanın humanist mövqeyini bir daha təsdiq edir.

 Azərbaycan Prezidenti İlham Əliyevin noyabr ayında Serbiyaya rəsmi səfəri, daha sonra Serbiya Respublikası prezident Aleksandr Vuçiçin dekabr ayının 21-də ölkəmizə səfəri ikitərəfli münasibətlərin bütün sahələrdə, o cümlədən siyasi və iqtisadi sahələrdə daha da inkişafına böyük töhfə verib.

Ölkələrimiz arasında müdafiə sənayesi sahəsi də perspektiv əməkdaşlıq istiqamətləri içərisində xüsusi əhəmiyyət kəsb edir. Bu sahədə də hər iki ölkədə potensial var və bu potensialın birləşdirilməsi üçün praktiki addımların atılması da gözlənilir. Ötən ay Belqradda qəbul edilmiş qərarların tezliklə yerinə yetiriləcəyinə inanırıq. Hökumət üzvlərinə bu qərarların icra edilməsi ilə əlaqədar müvafiq göstərişlər verilmişdir. Bundan sonra da ikitərəfli əlaqələr sürətlə inkişaf edəcək və qəbul edilmiş qərarlar vaxt itirmədən icra olunacaqdır. Bu baxımdan onu da deməliyik ki, ölkələrimiz arasında vizasız gediş-gəliş haqqında sazişin tezliklə qüvvəyə minməsi xalqlarımız arasında turizmi və işgüzar əlaqələri gücləndirəcəkdir.

Serbiya-Azərbaycan əlaqələrinin gələcəyi ilə bağlı ancaq nikbin fikirlər söyləmək olar. Bu baxımdan deməliyik ki,ikitərəfli əlaqələr dostluq və qarşılıqlı anlaşma üzərində qurulmuşdur. Və bu  prinsiplərı əsaslanaraq da inkişaf edəcəkdir.

 

 

Əziz Həziyev,

YAP Neftçala rayon təşkilatının fəal üzvü