Məlumdur ki, bu ilin avqust ayında Qərbi Azərbaycan İcması yaradılmışdır.  İcma Azərbaycan Qaşqınlar Cəmiyyətinin bazası əsasında qurulmuş, fəaliyyət proqramı hüquqi əsaslara dayanaraq daha geniş müstəvidə istiqamətləndirilmişdir. Bu da İcmanın vəzifələrinin, fəaliyyət, prinsip və müddəalarının daha əhatəli icrasının təmin edilməsinə şərait  yaradır, geniş imkanlar verir. Belə ki, İcma öz yurdlarından qaçqın düşmüş soydaşlarımızın sosial problemləri ilə yanaşı, təbliğat və hüquqi  fəaliyyəti ilə  beynəlxalq müstəvidə çıxış edəcəkdir. Xalqımızın səsinin bütün dünyada duyurulması, 2 əsrdə başına gətirilənlər, zaman-zaman işğal olunan torpaqlarımızın tarixinin çatdırılması istiqamətində görüləcək işlər hər bir azərbaycanlının qəlbindən xəbər verir. Bu addım tarixi hadisə olmaqla Qarabağa qayıdış mexanizminə də müsbət təsir edəcəyinə əminlik yaradır. Bunu tariximizə sahiblik prinsipinin gücdərilməsi işinin bir qismi kimi də qiymətləndirmək olar. Belə ki, Ölkə başçısının fəaliyyətində, apardığı siyasətdə hər zaman milli ənənələrimizə, tariximizə sahiblik hissini daima görmək olar. Qarabağ məsələsi, həmvətənlərimizin öz yurd-yuvalarına dönüşünün təmin edilməsi işləri möhtərəm Prezidentimizin daim diqqətdə saxladığı təxirəsalınmaz  məsələlərdən biridir. Məlumdur ki, ölkə Rəhbəri öz ad günlərini hər il xalqla birlikdə keçirir, çox zaman məcburi köçkün və qaçqınların əhatəsində olur. Möhtərəm Prezidentimizin dekabrın 24-ü məhz öz doğum günündə Qərbi Azərbaycan İcmasının bir sıra ziyalıları ilə görüşü də bunun aydın təcəssümüdür. Ölkə başçısının həmin görüşdəki çıxışı çox böyük məqsədlərdən xəbər verir və hər tezisi ilə böyük maraq doğurur. Sirr deyil ki, tariximizin müəyyən səhifələri düşmən xəyanəti ilə qaraldılmış, günümüzdə də həmin hədisələrin sıxıntısını çəkir, təsirini xalq yaşadığı böyük bəlalar, üzləşdiyi problemlərlə ödəyir. Ölkə rəhbərinin Qərbi Azərbaycan İcması ilə görüşündə  bütün azərbaycanlıları düşündürən tarixi yaramıza, qaranlıq səhifələrə işıq salaraq açıqlamalar verməsi, önəmli fikirlər söyləyərək gərəkli mesajlar səsləndirməsi əlbəttə ki, xalqın maraq və diqqəti ilə qarşılanmışdır. Bəli, uzun illər heç zaman qəbul edə bilmədiyimiz, eşidəndə qıcıqlandığımız bir  kəlmə var ki, milləti ruhən əzir, tarix boyu xalq olaraq hansı məşəqqətlərə məruz qaldığını isbat edir. Bu  qaçqın ifadəsidir ki, əsrlərdir ağrı-acısını yaşamışıq. Tariximizin ən ağır məqamlarını dillə gətirən bu kəlmə, hissə-hissə, didim-didim qoparılan torpaqlarımızın, öz evindən, yuvasından qovulan, didərgin salınan, həyatına biganə yanaşılan  insanların, ya zor gücünə, ya da düşmənlərin məkrlə hördüyü siyasət torunda 200 ildən artıq, hətta bu günə təhlükələrlə üz-üzə qalmağa məcbur buraxılan bir millətin taleyinə yazılmışdır. Tariximizə nəzər salsaq, torpaqlarımızın yağlı tikəsini mənimsəmək naminə, böyük siyasət uğruna azərbaycanlılar, ayrı-ayrı vaxtlarda indi erməni dövləti kimi tanınan tarixi yurdumuz  Qərbi Azərbaycandan kütləvi şəkildə deportasiya olunmuş, qaçqın, köçkün adını daşımağa, olmazın məhrumiyyətlərlə yaşamağa məruz qoyulmuşdur. Bu mənfur siyasətin cəzasızlığı, düşmənin etnik təmizləmə siyasəti illər ötdükcə təkrarlanmış, davam etmiş,  torpaqlarımız hesabına daha da genişlənmək həyasızlığı törətdikləri soyqırım aktlarına qədər yüksəlmişdir. Bu zaman ərzində xalqın tarixi yaddaşını da silməyə çalışmış, tarixi sənədləri saxtalaşdırmağa sövq etmişlər. Acıverici məqam isə tariximizin bu səhifələrində sapı özümüzdən olan baltaların  fəal iştirak etməsidir. Tarixin acı həqiqətlərindən biri də həmin hadisələrin həllinə deyil, problemlərin gələcəyə saxlanılması, yüklənməsidir ki, onun da nəticələrini yaşamaqdayıq. 2 il bundan öncə “Dəmir yumruq” bahasına qazandığımız  tarixi Zərəf düşmənə layiqli cavab,  220 ildən sonra sarsıdıcı zərbə oldu. Ölkə başçısının bu gün atdığı addımlar tariximizin səhflərindən dərs çıxardaraq nə qədər çətinliklərlə üzləşsək də, nə qədər ağır da olsa xalqın dəstəyi və doğma torpağına olan sevginin gücü ilə vətən torpaqlarımızın qorunması yolunda sərəsgər olmasından xəbər verir.  Möhtərəm Prezidentimizin fikirləri ilə desək: “Qərbi Azərbaycandan olan soydaşlarımız tezliklə öz yurdlarına qayıdacaqlar. Özü də biz oraya sülhlə qayıdacağıq”. Bəli, gün gələcək Qarabağı azad etdiyimiz kimi Qərbi Azərbaycan da öz sahibinin olacaqdır. Gün gələcək,  xalqımız  istiqamət aldığı böyük hədəflərinə çatacaq və Azərbaycan  yeni gücü, qüvvəti ilə dünyaya yelkən açacaqdır. 

Nəzakət Quluqızı;

Neftçala rayon ziyalısı