“Mən həmişə fəxr etmişəm, bu gün də fəxr edirəm ki, mən azərbaycanlıyam” adlı ümumrayon tədbiri keçirilib.
2024-05-13
Baxış: 318
![img](http://mayakinfo.az/media/img/news/3668/E5fNCcMM6S.jpg)
Tədbirdə YAP Neftçala rayon təşkilatının sədri Ülvi Fərzəliyev və aparat işçiləri, rayonun idarə və müəssisələrinin rəhbərləri, ərazi partiya təşkilatlarının sədrləri, partiya veteranları, fəalları və rayon ictimaiyyətinin nümayəndələri iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, Ulu Öndər Heydər Əliyevin və torpaqlarımızın azadlığı uğrunda canını qurban vermiş şəhidlərimizin əziz xatirəsi bir dəqiqəlik sükutla yad olunub.
Tədbiri giriş sözü ilə açan YAP Neftçala rayon təşkilatının sədri Ülvi Fərzəliyev tarixi şəxsiyyət, görkəmli siyasətçi və dövlət xadimi Heydər Əliyevin xalqımızın taleyində misilsiz rolundan danışıb, Azərbaycanın yeni tarixinin dahi şəxsiyyətin şərəfli adı və möhtəşəm fəaliyyəti ilə bağlı olduğunu bildirib. Ulu Öndərin müstəqillik illərində ölkəmizə rəhbərliyi Azərbaycan xalqının tarixi yaddaşına sabitlik və inkişaf mərhələsi kimi həkk olunub. O, bütün həyatını Azərbaycanın inkişafına həsr edib və onun zəngin irsi bugünkü uğurlarımızı şərtləndirir. Təşkilat sədri Heydər Əliyev siyasətinin Prezident İlham Əliyev tərəfindən davam etdirilməsi nəticəsində ölkəmizin tarixi uğurlara imza atdığını qeyd edib.
Daha sonra partiya veteranı Oktay Kərimov, Heydər Əliyev Mərkəzinin direktoru Könül Məmmədova və partiya fəalı Elvira Bağırova çıxış ediblər. Çıxış edənlər Ulu Öndər Heydər Əliyevin həyatının xalqa xidmətin ən mükəmməl örnəyi olduğunu bildiriblər. Qeyd olunub ki, Ümummilli Lider Azərbaycanın müasir simasının, xalqımızın zəngin dəyərlərinin tanıdılmasında və ölkəmizin beynəlxalq münasibətlər sistemində layiqli mövqe qazanmasında müstəsna rol oynayıb. Ümummilli Liderimizin ideya və prinsiplərinə sadiq qalan Prezident İlham Əliyevin Ulu Öndərin siyasətini uğurla davam etdirməsi nəticəsində həmvətənlərimizin birlik və həmrəyliyi daha da möhkəmlənib.
Tədbir Şirvan-Salyan Regional Mədəniyyət İdarəsinin Neftçala nümayəndəliyinin və Neftçala rayon Uşaq-İncəsənət Məktəbinin hazırladığı konsert proqramı ilə davam edib.
Sonda Yeni Azərbaycan Partiyasının himni səsləndirilib. Ulu Öndərin anadan olmasının 101-ci ildönümü münasibətilə gənc rəssamlar tərəfindən tədbirin gedişində ərsəyə gətirilən rəsm əsərlərinə baxış keçirilib.
![](http://mayakinfo.az/media/img/news/3668/JH3XUsz39G.jpg)
![](http://mayakinfo.az/media/img/news/3668/kVZOHIQWgA.jpg)
![](http://mayakinfo.az/media/img/news/3668/m0W8WOlp4D.jpg)
![](http://mayakinfo.az/media/img/news/3668/RQA7OUQF8L.jpg)
![](http://mayakinfo.az/media/img/news/3668/mL0p2z0PmA.jpg)
![](http://mayakinfo.az/media/img/news/3668/MewuVlfXHa.jpg)
![](http://mayakinfo.az/media/img/news/3668/r1tA2FXUXO.jpg)
![](http://mayakinfo.az/media/img/news/3668/90eApW26Ub.jpg)
![](http://mayakinfo.az/media/img/news/3668/yUqIGvsxvL.jpg)
×
Digər xəbərlər
![](http://mayakinfo.az/media/img/news/2418/5IrgpE3sfm.jpg)
![time](http://mayakinfo.az/media/img/clock-circular-outline.png)
![](http://mayakinfo.az/media/img/news/3133/JEiP2Cj7wJ.jpg)
![time](http://mayakinfo.az/media/img/clock-circular-outline.png)