Azərbaycan tibb elminin görkəmli nümayəndəsi, akademik Zərifə Əliyeva yalnız böyük alim kimi deyil, həm də yüksək mənəvi keyfiyyətlərə malik, humanizm prinsiplərini həyatının əsas amalı seçmiş şəxsiyyət kimi yadda qalmışdır. Onun fəaliyyətində insan amili, xüsusilə də həssas sosial təbəqələrə – kimsəsiz və valideyn himayəsindən məhrum olmuş uşaqlara göstərilən diqqət və qayğı xüsusi yer tutmuşdur.

Zərifə Əliyeva insanlara, xüsusilə də uşaqlara münasibətdə həmişə böyük həssaslıq nümayiş etdirmişdir. O, uşaqların sağlamlığının qorunmasını cəmiyyətin gələcəyi baxımından strateji məsələ kimi qiymətləndirirdi. Bu baxımdan, kimsəsiz uşaqların tibbi müayinədən keçirilməsi, onların sağlamlıq problemlərinin vaxtında aşkarlanması və müalicə olunması istiqamətində göstərdiyi təşəbbüslər xüsusi əhəmiyyət daşıyırdı.

Akademik Zərifə Əliyeva tez-tez uşaq evlərinə baş çəkir, burada böyüyən uşaqların sağlamlıq vəziyyəti ilə yaxından maraqlanırdı. Onun təşəbbüsü ilə bu müəssisələrdə mütəmadi tibbi müayinələrin təşkili, uşaqlara keyfiyyətli tibbi xidmətin göstərilməsi təmin olunurdu. O, yalnız həkim kimi deyil, eyni zamanda qayğıkeş ana və mərhəmətli insan kimi bu uşaqlara mənəvi dəstək göstərirdi.

Zərifə Əliyevanın humanist fəaliyyəti təkcə tibbi xidmətlə məhdudlaşmırdı. O, kimsəsiz uşaqların sosial müdafiəsinin gücləndirilməsi, onların təhsil alması və cəmiyyətə inteqrasiyası məsələlərinə də xüsusi diqqət yetirirdi. Onun təşəbbüsləri nəticəsində bu uşaqların daha yaxşı şəraitdə böyüməsi, onların gələcək həyatının təmin olunması istiqamətində mühüm addımlar atılmışdır.

Akademikin həyat fəlsəfəsində xeyirxahlıq, mərhəmət və insanlara sevgi əsas yer tuturdu. O, hesab edirdi ki, cəmiyyətin inkişafı yalnız iqtisadi və elmi nailiyyətlərlə deyil, eyni zamanda sosial ədalətin və humanist dəyərlərin qorunması ilə mümkündür. Bu baxımdan, onun fəaliyyəti Azərbaycan cəmiyyətində xeyirxahlıq ənənələrinin formalaşmasına və inkişafına mühüm töhfə vermişdir.

Zərifə Əliyevanın kimsəsiz uşaqlara göstərdiyi qayğı bu gün də öz aktuallığını qoruyur və dövlət siyasətində davam etdirilən sosial proqramlarda öz əksini tapır. Azərbaycanda uşaqların sosial müdafiəsinin gücləndirilməsi, onların sağlam və təhlükəsiz mühitdə böyüməsi istiqamətində həyata keçirilən tədbirlər məhz belə nəcib ənənələrə söykənir.

Bu gün akademik Zərifə Əliyevanın adı yalnız elmi nailiyyətləri ilə deyil, həm də insanpərvərliyi ilə böyük hörmətlə anılır. Onun kimsəsiz uşaqlara olan münasibəti, göstərdiyi diqqət və qayğı hər bir insan üçün nümunədir. Bu nümunə gələcək nəsillərə humanizm, mərhəmət və sosial məsuliyyət dəyərlərini aşılayan mühüm mənəvi irs kimi yaşayır.

Xanım Kərimova,

YAP Neftçala rayon təşkilatı ərazi partiya təşkilatının sədr müavini

Qaraqaşlı bələdiyyəsinin sədri