Neftçalada “Novruz Sevinci – Baharın Gəlişi” adlı bayram tədbiri keçirilib.
2025-03-19
Baxış: 36
Neftçala Peşə Məktəbində keçirilən tədbirdə əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad olunub.
Açılış nitqi ilə çıxış edən Məktəbin direktoru Tarıyel Yaqubov Novruzun tarixi köklərimizə bağlılığından bəhs edib, bu bayramın milli kimliyimizin ayrılmaz hissəsi olduğunu diqqətə çatdırıb.
Daha sonra Yeni Azərbaycan Partiyası Neftçala rayon təşkilatının sədri Ülvi Fərzəliyev çıxış edərək, Novruzun həm milli, həm də mənəvi birlik rəmzi olduğunu bildirib. O, Heydər Əliyevin milli-mənəvi dəyərlərimizin qorunması, eləcə də, Novruz bayramının dövlət səviyyəsində qeyd olunması məsələsinə həssalıqla yanaşdığını vurğulayıb.
Tədbirin davamında tələbələrin ifasında “Dəli Kür” filmindən seçilmiş səhnələr, “Naz Eləmə”, “Səməni” və “Yallı” rəqsləri nümayiş olunub, Novruz nəğmələri və digər qədim bayram ənənələri səhnələşdirilib.
Tədbir çərçivəsində maraqlı idman yarışları və əyləncəli oyunlar təşkil olunub. Qaliblər isə müxtəlif hədiyyələrlə mükafatlandırılıb.
Sonda qonaqlar bayram tonqalını alışdırıb, xeyir-dua veriblər.
Digər xəbərlər
2021-11-04
2023-04-18
