Neftçala
rayonunun Kürkənd kəndində yaşayan 68 yaşlı Sura Əliyeva öz zərif əlləri
ilə müxtəlif cür dekorativ tətbiqi sənət nümunələrə düzəldir.
MAYAKİNFO-nun əməkdaşı Sona Haxıyeva Sura nənənin Kürkənd kəndində yerləşən evində
olmuş və onun düzəltdiyi əl işləri ilə yaxından tanış olmuşdur. Sura
Ağaqulu qızı Əliyeva 1952-ci ildə Neftçala rayonunun Boyat kəndində anadan
olmuşdur. 1968-ci ailə həyatı qurub və 6 övlad dünyaya gətirib. Övladlarının
dördü Bakıda, ikisi Almaniyada yaşadığı üçün yoldaşı rəhmətə gedəndən sonra tək
yaşayır. Sura nənə deyir ki, elə uşq vaxtlarından bu sənətə böyük maraq göstərmiş,
sonralar bu sənətlə daha çox məşğul olmağa başlamışdır. İndi də tək yaşadığına
görə özünü tamamilə bu sənətə həsr edib, vaxtını ancaq bu işə sərf edir. Aldığı
təqaüdün də böyük hissəsini bu gözəl əşyalı düzəltmək üçün lazım olan bəzəy əşyaları
almaq üçün xərcləyir. Dekorativ sənət nümunələrini düzətmək üçün Sura Əliyeva
balıqqulağından, quş lələyindən, müxtəlif cür qaşlardan istifadə
edir. Sura nənə həm də həyətində müxtəlif güllər becərir, demək olar ki,
həyətində bütün növ güllərə rast gəlmək olar. Əli ilə düzəltdiyi sənət əsərlərində
də gülllər daha çox üstünlük təşkil edir.