Bir çox digər ölkələrin enerji təhlükəsizliyinə sərmayə yatırımı Azərbaycanın geosiyasi əhəmiyyətini artırır. Biz anlayırıq ki, bundan sonra da enerji, neft və qaz bir çox ölkənin enerji təhlükəsizliyinin təmin edilməsində əhəmiyyətli rol oynayacaqdır- bunu iyunun 2-də Azərbaycan Respublikasının Prezidenti İlham Əliyev Bakı Ekspo Mərkəzində Bakı Enerji Həftəsi çərçivəsində keçirilən 30-cu Yubiley Beynəlxalq Xəzər Neft və Qaz Sərgisi “Caspian Oil and Gas”, 13-cü Xəzər Beynəlxalq Energetika və Yaşıl Enerji Sərgisi “Caspian Power” və 30-cu Yubiley “Baku Energy Forum”un rəsmi açılış mərasimində çıxışı zamanı deyib.

Hazırda qlobal iqlim dəyişikliklərinin qarşısını almaq üçün planetin enerjiyə olan tələbatının ətraf mühitə zərər vurmadan ödənilməsi ən aktual məsələlərdəndir. Elə bu səbəbdən də dünya ölkələri karbon emissiyalarının azaldılmasına qarşı mübarizə aparır.

Yaşıl enerji nədir və yaşıl enerjiyə tələbat niyə artır?

Yaşıl enerji, ətraf mühitə minimal təsir edən və davamlı şəkildə əldə edilən enerji növlərini ifadə edir. Bu enerji formaları, əsasən, təbii və təkrar istifadə oluna bilən mənbələrdən əldə edilir. Yaşıl enerjinin əsas məqsədi, enerji istehsalında fosil yanacaqlardan istifadəni azaltmaq və bununla da atmosferin çirklənməsini və iqlim dəyişikliyini minimuma endirməkdir.Yaşıl Enerjinin Əsas Xüsusiyyətləri:Təkrar İstifadə Olunan Mənbələr: Yaşıl enerji, günəş, külək, su və biomassa kimi təkrar istifadə oluna bilən enerji mənbələrindən əldə edilir. Bu mənbələr təbiətdə daim mövcuddur və təkrar istifadə oluna bilər. Ekoloji Təmizlik: Yaşıl enerji istehsalı zamanı ətraf mühitə zərərli tullantılar və qazlar (məsələn, karbon dioksid və digər istixana qazları) yayılmır. Bu səbəblə, yaşıl enerji ekoloji baxımdan daha təmizdir. Davamlılıq: Yaşıl enerji mənbələri davamlı şəkildə mövcuddur və onların istifadəsi təbii sərvətlərin tükənməsinə səbəb olmur. Bu, enerji istehsalında uzunmüddətli davamlılığı təmin edir.İqlim Dəyişikliyinə Təsir: Yaşıl enerji, iqlim dəyişikliyinə səbəb olan emissiyaların azalmasına kömək edir. Fossil yanacaqların əvəzinə istifadə olunan yaşıl enerji mənbələri, atmosferdəki istixana qazlarının miqdarını azaldır.

Bərpa olunan və ya “yaşıl enerji” dedikdə, tükənməz olan mənbələrdən alınan enerji başa düşülür. Bərpa olunan enerjidən istifadənin əsas prinsipi onu texniki istifadəyə verməkdir. Bərpa olunan enerji təbii ehtiyatlardan əldə edilir - günəş işığı, külək, yağış və s. Neft, təbii qaz, kömür və uran filizi kimi yanacaqlardan fərqli olaraq, bu enerji mənbələri tükənmir. Buna görə də onları bərpa olunan enerji mənbələri adlandırırlar. Bəzi ölkələrdə bu gün qazıntı yanacağı növləri ilə yaşıl enerji arasında olan balans nəzərə alınmır. Nəticədə genişmiqyaslı enerji kəsilməsi, enerji sisteminin çökməsi baş verir. Həmçinin burada daha mürəkkəb ssenarilər də baş verə bilər. Yəni, bəzi müəyyən addımları şərtləndirən meyillərə rəğmən həmin balansın qorunması düzgün siyasətdir.

Hökmalı Mirzəyev,

YAP Hacıqabul rayon təşkilatının sədr müavini.