Azərbaycan tarixi yüzillər boyu azadlıq uğrunda mübarizə, milli kimliyin qorunması və haqqın bərpası uğrunda apardığımız saysız-hesabsız savaşlarla doludur. Amma bəzən tarix elə anlar yaşadır ki, onlar millətin yaddaşında qürurla, sevinclə və bir az da acı xatirələrlə əbədi qalır. Bu gün də məhz belə günlərdən biridir.

1992-ci il … Azərbaycan cəmi bir il əvvəl öz müstəqilliyini yenidən bərpa etmişdi. Sevincli, amma eyni zamanda çətin dövrlər idi. Gənc dövlətimiz hələ ayaqda möhkəm dayanmadan, ölkəmizə qarşı ədalətsiz və ağır bir məhdudiyyət tətbiq olundu. Bu, sadəcə iqtisadi və siyasi təzyiq deyildi – bu, həm də milli iradəmizə, müstəqillik ruhumuza vurulan ciddi bir zərbə idi.O günlərdən bəri 33 uzun il keçdi.

Bu illər ərzində nəsillər böyüdü, dövrlər dəyişdi, amma xalqımızın içindəki ümid sönmədi. Biz heç vaxt o məhdudiyyətlə barışmadıq. Səbr etdik, çalışdıq, gücləndik, haqqımızı tələb etməkdən vaz keçmədik. Biz bilirdik ki, ədalət gec də olsa, mütləq qayıdacaq.Və nəhayət, bu gün – 33 il sonra – o gün gəldi!

Azərbaycan xalqına qarşı 1992-ci ildə tətbiq olunan məhdudiyyət rəsmi olaraq ləğv edildi.Bu qərar sadəcə hüquqi bir sənədin imzalanması deyil. Bu, illərlə davam edən bir mübarizənin yekunu, haqqın zəfəri, səbrin təntənəsidir. Bu, millətimizin bir daha dünyaya sübutudur ki:Biz heç vaxt haqqımızdan vaz keçmirik;Bizim səbrimiz sınmaz:Bizim iradəmiz heç bir güc qarşısında əyilməz.Bu gün tarixə Səbrin qələbəsi, Ədalətin zəfəri kimi yazılacaq. Bu, gələcək nəsillərə ötürüləcək bir dərsdir: ədalət üçün mübarizə aparmaqdan, haqqı tələb etməkdən qorxma. Çünki millət bir olduqda, o millətin səsi bütün sərhədləri aşar.Yaşasın müstəqil Azərbaycan!.Yaşasın haqq və ədalət!

Abdullayeva Arzu,

Hacıqabul rayon Mərkəzi Kitabxanasının əməkdaşı, YAP fəalı.