24.05.2019

Salyan rayonunun "Stansiya" adlanan yaşayış massivində qatar 66 yaşlı kişini vurub.

MAYAKİNFO xəbər verir ki, hadisə 1953-cü il təvəllüdlü Orucəli Məmmədqulu oğlu Quliyevin otardığı heyvanları dəmir yolundan keçirdiyi vaxtda baş verib. Ağır bədən xəsarətləri aldığından yaralı Salyan Mərkəzi Xəstəxanasına çatdırılsa da, onun həyatını xilas etmək mümkün olmayıb. 

Qeyd edək ki, Orucəli Quliyev anadangəlmə lal-kar, ayaqdan da şikəst olub.

Faktla bağlı araşdırma aparılır.