27.05.2019

Ağcabədi rayonunda odlu tüfənglə adam öldürməyə cəhd edən şəxs saxlanılıb.

Daxili İşlər Nazirliyinin mətbuat xidmətindən MAYAKİNFO-ya verilən xəbərə görə, mayın 26-da Ağcabədi rayonunun Bilağan kəndində yaşayan İ.Tağıyevin evində münaqişə zəminində tüfəngdən açdığı atəşlə atası M.Tağıyevin kürək nahiyəsinə xəsarət yetirib hadisə yerini tərk etməsi barədə “102 Zəng Mərkəzi” Xidmətinə məlumat daxil olub.

M.Tağıyev xəstəxanaya yerləşdirilib. Keçirilən əməliyyat-axtarış tədbirləri nəticəsində adam öldürməyə cəhddə şübhəli bilinən İ.Tağıyev polis əməkdaşları tərəfindən saxlanılıb.  Hadisə yerinə baxış zamanı onun bu cinayəti törədərkən istifadə etdiyi, müvafiq sənədləri olmayan ov tüfəngi aşkar edilərək götürülüb.

Faktla əlaqədar Cinayət Məcəlləsinin 29,120-ci (adam öldürməyə cəhd)  maddəsi ilə cinayət işi başlanılıb.