Azərbaycan Respublikasının Prezidenti İlham Əliyev noyabrın 12-də Naxçıvan Muxtar Respublikasında Prezidentin yeni səlahiyyətli nümayəndəsini və bir sıra rayonların icra hakimiyyətlərinə təyin olunan başçıları qəbul edib.

Prezident İlham Əliyev çıxışına başlayaraq gorüşə gələn qonaqlara onların ölkəmizin müxtəlif bölgələrində müxtəlif vəzifələrə təyin edildiklərini, onlara göstərilən etimadı və həmin etimadı doğruldacaqlarından danışıb. O, qeyd edib ki, təyin olunan şəxslər öz əməyi və işi ilə qarsıda duran vəzifələrin icrasını böyük səylə yerinə yetirəcəklər. Bu işlərin böyük məsuliyyət tələb edən işlər olduğunu, ilk növbədə Prezidentin verdiyi tapşırıqların yerinə yetirilməsinin vacib olduğu vurğulanıb. Ölkə rəhbərimiz qeyd edib ki, hər dəfə bölgələrə rəhbər vəzifələrə şəxsləri təyin edəndə verdiyi tapşırıqların onlar üçün əsas iş prinsipləri olmasını və ilk növbədə, xalqa xidmət etmək, xalqla bir yerdə olmaq olduğunu bilmələridir. Rəhbər vəzifədə çalışan hər bir şəxs, hər bir məmur təvazökar olmalıdır. Həyatda, məişətdə özü, onun yaxın qohumları özlərini elə aparmalıdırlar ki, bizim ümumi işimizə heç bir irad tutulmasın. Əfsuslar olsun ki, bəzi hallarda məmurlar özlərini cəmiyyətdə düzgün apara bilmirlər, ifrat dərəcədə təkəbbürlülük göstərirlər, özlərini hamıdan üstün tutmağa çalışırlar və beləliklə, həm öz nüfuzlarını itirirlər, eyni zamanda, dövlətimizə, dövlətin siyasətinə də ləkə vurmuş olurlar. Bununla bərabər, bəzi hallarda korrupsiyaya, rüşvətxorluğa düçar olurlar. Azərbaycan ictimaiyyəti yaxşı bilir ki, əyri yola gedən hər bir dövlət məmuru nəticədə məhkəmə, qanun qarşısında cavab verməli olur və belə hallar əfsuslar olsun ki, bu gün də var. Ancaq o da cəmiyyət üçün tam aydındır ki, heç bir qanunsuz hərəkət nəticəsiz qalmayacaq. Ona görə sizdən tələbim, eyni zamanda, xoşagəlməz hallara qarşı ciddi mübarizə aparmaq, kadr siyasətində etibarlı, peşəkar və mənəvi cəhətdən təmiz kadrları seçmək, rəhbərlik edəcəyiniz bölgələrdə öz işinizlə mənim seçimimin düzgün olduğunu sübut etməkdir. Əks təqdirdə, əlbəttə ki, lazımi ölçülər götürüləcəkdir- deyərək çıxışına davam edən Prezident İlham Əliyev cıxışını bu cümlələrlə yekunlaşdırıb:

Əminəm ki, bu yüksək etimadı siz öz işinizlə doğruldacaqsınız. Sizin üzərinizə böyük vəzifə düşür, bəziləriniz artıq rəhbər vəzifələrdə çalışmısınız, təcrübəniz də var. Bəziləriniz yeni təyin olunursunuz. Ona görə əminəm ki, öz işinizlə bu etimadı doğruldacaqsınız və xalqın rəğbətini qazanacaqsınız. Sizə uğurlar arzulayıram. Sağ olun.

Maya Qənbərova

YAP fəalı, Hacıqabul Tarix Diyarşünaslıq Muzeyinin kiçik elmi işçisi.