2025-ci ilin oktyabr ayının 1-nə kimi qarğıdalı da daxil olmaqla tarlalardan 85309,8 ton və ya keçən ilin müvafiq  dövrünə nisbətən  9,6 faiz çox dənli və dənli paxlalı bitkilər, 1538,8 ton (3,7 faiz çox) kartof, 1797,4 ton (14,7 faiz çox) tərəvəz, 3901,8 ton (28,3 faiz çox) bostan məhsulları, 1222,3 ton (9,3 faiz çox) meyvə və giləmeyvə, 407,0 ton (0,3 faiz çox) üzüm, 2290,8 ton (37,4 faiz az) pambıq, 62961,8 ton (1,1 faiz çox) yem bitkiləri yığılmışdır.

2025-ci il oktyabrın 1-i vəziyyətinə 149289  baş qoyun  və  keçi, 45088  baş iribuynuzlu  mal-qara, оndan 25382 baş  inək  və camış mövcud olmuşdur. İribuynuzlu mal-qaranın 56,3 faizini inək və camışlar təşkil edir.

2025-ci ilin  yanvar-sentyabr aylarında  diri çəkidə ət istehsalı 5321 ton ət, 23617 ton süd, 12477 min ədəd yumurta,  297 ton yun istehsal olunmuşdur. 2025-ci ilin yanvar-sentyabr ayları ilə müqayisədə ət istehsalı 6,8 faiz, yumurta istehsalı 2,3 faiz artmış, süd istehsalı 0,4 faiz yun istehsalı 1,0 faiz azalmışdır.

2025-ci ilin yanvar-sentyabr ayları üzrə kənd təsərrüfatının ümumi məhsulunun faktiki qiymətlərlə dəyəri 119845,4 min manat təşkil etmişdir ki, onun da 59747,4 min manatı heyvandarlıq, 60098,0 min manatı isə bitkiçilik məhsullarının payına düşür. Əvvəlki ilin müvafiq dövrü ilə müqayisədə kənd təsərrüfatı məhsullarının istehsalı məhsulu 5,3 faiz, o cümlədən heyvandarlıq məhsulları üzrə 4,1 faiz, bitkiçilik məhsulları üzrə isə, 7,2 faiz artmışdır. Kənd təsərrüfatının ümumi məhsulunun tərkibində bitkiçilik məhsullarının xüsusi çəkisi isə  50,1 faiz təşkil etmişdir.

Kənd təsərrüfatı məhsullarının demək olar ki, hamısı qeyri-dövlət bölməsində istehsal olunmuşdur.  Hal-hazırda təsərrüfatlarda payız tarla işlərı davam etdirilir. 01 oktyabr 2025-ci il tarixə kimi təmiz herik şumu daxil olmaqla, cari ilin payızlıq əkinləri üçün 13393,0 hektar sahədə şum qaldırılmışdır. Bu da əvvəlki ilin eyni dövrü ilə müqayisədə 866,0 hektar və ya 6,9 faiz çoxdur.

Şahin Mənəfov,

Neftçala Rayon Statistika İdarəsinin rəisi