2025-ci il oktyabr  ayının 1-i vəziyyətinə Neftçala rayonu üzrə əhalinin sayı 87821 nəfər təşkil etmişdir. Əhalinin 45,8 faizini şəhər, 54,2 faizini kənd sakinləri, 48,5 faizini kişilər, 51,5 faizini isə qadınlar təşkil edir. 

Cari ilin yanvar-sentyabr aylarında Ədliyyə Nazirliyinin Neftçala rayon qeydiyyat şöbəsi tərəfindən rayon üzrə 592 doğulan körpə qeydə alınmış və ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 10,0-dan 9,1-ə düşmüşdür. Doğulan körpələr arasında oğlan uşaqlarının xüsusi çəkisi 52,7 faiz, qız uşaqlarının xüsusi çəkisi isə 47,3 faiz olmuşdur. Doğulan körpələrdən 9-u əkiz olmuşdur.

Bu ilin yanvar-sentyabr ayları ərzində rayonda 417 ölüm halı qeydə alınmış və     2024-cü ilin müvafiq dövrü ilə müqayisədə əhalinin hər 1000 nəfərinə bu göstərici    6,2-dən 6,4-ə qədər artmışdır.

   Ədliyyə Nazirliyinin Neftçala rayon qeydiyyat şöbəsi tərəfindən cari ilin      yanvar-sentyabr ayları ərzində 287 nikah və 120 boşanma halları qeydə alınmış və ötən ilin müvafiq dövrü ilə müqayisədə əhalinin hər 1000 nəfərinə nikahların sayı 4,5-dən 4,4-ə qədər azalmış, boşanmaların sayı isə 2,4-dən 1,8-ə qədər düşmüşdür.

                Şahin Mənəfov,

Neftçala Rayon Statistika İdarəsinin rəisi