Azərbaycan Respublikasının Prezidenti İlham Əliyev 2003‑cü ildən bu günə qədər ölkənin siyasi, iqtisadi və sosial inkişafında aparıcı rol oynayır. Onun rəhbərliyi dövründə ölkəmiz həm daxili siyasətdə azad, demokratik və dayanıqlı dövlət modeli formalaşdırmış, həm iqtisadi sahədə əhəmiyyətli artım əldə etmiş, həm də beynəlxalq arenada nüfuzunu artırmışdır.

Prezident İlham Əliyevin rəhbərliyi ilə Azərbaycanın iqtisadi göstəriciləri fundamental şəkildə dəyişib. 2003‑cü ildə ölkənin ümumi daxili məhsulu təxminən 6,2 milyard ABŞ dolları səviyyəsində idi, 2022‑ci ildən isə bu göstərici 78,7 milyard dollara çatmışdır. Xarici ticarət dövriyyəsi 3,8 milyard dollardan 52,7 milyard dollara yüksəlib, ixrac 2,2 milyard dollardan 38,1 milyard dollara yaxınlaşmışdır. Dövlətin strateji valyuta ehtiyatları isə 1,4 milyard dollardan 58,5 milyard dollar səviyyəsinə yüksələrək ölkənin maliyyə təhlükəsizliyini və davamlı inkişafını təmin etmişdir. Bu inkişaf Azərbaycanın iqtisadi siyasətinin – makroiqtisadi sabitliyin, struktur islahatlarının və investisiyaların stimullaşdırılmasının – nəticəsidir.

İqtisadi diversifikasiya il ərzində prioritet siyasət kimi davam etdirilib. Neft sektorundan asılılığın azaldılması məqsədilə qeyri‑neft sahələri, xüsusilə turizm, kənd təsərrüfatı, nəqliyyat və informasiya texnologiyaları inkişaf etdirilib. 2021–2024‑cü illərdə qeyri‑neft sektorunun orta illik artım tempi 6,7% təşkil etmiş və bu sahənin ümumi iqtisadiyyatda payı təxminən 68%‑ə çatmışdır.

Sosial sahədə əhalinin rifah halının yüksəldilməsi Prezident İlham Əliyevin prioritetləri arasında olub. Minimum əməkhaqqı və pensiyaların artırılması, yoxsulluq səviyyəsinin 46,7%‑dən 5,5%‑ə qədər azalması sosial siyasətin effektivliyini göstərir və vətəndaşların həyat səviyyəsini yüksəldir.

Azərbaycanın enerji siyasəti də strateji əhəmiyyət daşıyır. Prezident İlham Əliyevin təşəbbüsü ilə icra olunan “Cənub Qaz Dəhlizi” layihəsi ölkəni Avropanın enerji təhlükəsizliyində mühüm tərəfdaş halına gətirib. Bu layihə vasitəsilə Azərbaycan qazı Avropa bazarına çatdırılır və regionun enerji xəritəsində rolunu gücləndirir.

Azərbaycanın beynəlxalq nüfuzu da əhəmiyyətli dərəcədə artıb. Ölkə Birləşmiş Millətlər Təşkilatının Təhlükəsizlik Şurasında qeyri‑dairi üzv kimi fəaliyyət göstərmiş və Qoşulmama Hərəkatının fəaliyyətində fəal iştirak etmişdir. Diplomasiyanın inkişafı nəticəsində Azərbaycan müxtəlif dövlətlərlə, o cümlədən aparıcı iqtisadi mərkəzlərlə strateji əməkdaşlıq əlaqələrini genişləndirmişdir.

2020‑ci ildə Azərbaycan üçün dönüş nöqtəsi olan Vətən müharibəsi (ikinci Qarabağ müharibəsi) başladıqda Prezident İlham Əliyev Ali Baş Komandan kimi xalqı səfərbər etmiş, milli birlik və həmrəylik fonunda ölkəni ədalətli mübarizəyə qət etmişdir. 2020‑ci il sentyabrın 27‑də başlayan münaqişə 44 gün davam edərək Azərbaycanın ərazi bütövlüyünün bərpa olunması ilə nəticələndi. Müharibə dövründə Azərbaycan Ordusu işğal altında olan bir çox yaşayış məntəqəsini azad etmiş, xüsusilə Şuşa şəhəri və digər strateji ərazilərin geri alınması milli tarixin şanlı səhifələrindən biri kimi yadda qalmışdır. Bu qələbə ilə 30 il ərzində pozulan ərazi bütövlüyümüz bərpa edilmişdir. 

Prezident İlham Əliyev müharibə müddətində xalqa etdiyi müraciətlərdə Azərbaycan ordusunun gücünü, xalqın birlik ruhunu və ədalətli mübarizə prinsipini vurğulamışdır. O, döyüşlərin gedişini, status‑kvonu dəyişdiyini və Azərbaycanın haqq işini bütün dünyaya çatdırmışdır. 

2020‑ci il noyabrın 9‑da Azərbaycan, Ermənistan və Rusiya arasında atəşkəs barədə üçtərəfli bəyanat imzalanaraq münaqişə rəsmi olaraq sona yetmişdir. Bu sənəd Azərbaycan Respublikasının Prezidenti İlham Əliyev tərəfindən imzalanmış və döyüş əməliyyatlarının dayandırılmasını təmin etmişdir. 

Vətən müharibəsi Azərbaycan üçün tarixi Zəfər kimi qiymətləndirilir və bu qələbə Prezident İlham Əliyevin uzunmüddətli siyasi strategiyası, ordumuzun hazırlığı və xalqın birliyi nəticəsində mümkün olmuşdur. 

Son illərdə regionda sülhün möhkəmləndirilməsi istiqamətində də addımlar atılır. 2025‑ci ilin payızında Azərbaycan Ermənistanla münasibətlərdə sülhə doğru yeni mərhələnin başlanmasını elan etmiş və yükdaşımalar üçün məhdudiyyətlərin aradan qaldırıldığını bəyan etmişdir ki, bu da regionda iqtisadi və kommunikasiyaların inkişafına təkan verir. 

Nəticə etibarilə, Prezident İlham Əliyevin fəaliyyəti Azərbaycan dövlətinin inkişafında tarixi əhəmiyyətə malikdir. Onun rəhbərliyi altında ölkə həm siyasi və iqtisadi sahədə, həm də vətənpərvərlik və milli birlik nümunəsi kimi dünya miqyasında tanınmışdır. Vətən müharibəsində qazanılan qələbə isə Azərbaycan xalqının iradəsinin və dövlətimizin gücünün simvoluna çevrilmişdir — bu uğur milli tariximizin ən parlaq səhifələrindən biridir.

            Sahib Aslanov,

            YAP-ın veteran üzvü, Hacıqabul rayon Ağsaqqallar Şurasının sədri.