Azərbaycan Respublikasının Prezidenti İlham Əliyev 5 yanvar 2026-cı ildə yerli televiziya kanallarına geniş müsahibə verib. Müsahibə bu gün ölkə televiziya kanallarında yayımlanıb və Prezidentin cari daxili və xarici siyasətə dair düşüncələrini əhatə edib.

Sülh və regional təhlükəsizlik

Prezident müsahibəsində 2025-ci ili “Azərbaycan-Ermənistan müharibəsinin siyasi baxımdan sona çatdığı il” kimi qiymətləndirib. O, vurğulayıb ki, artıq ölkə uzun müddətdir sülh və sabit şəraitdə yaşayır və bu, xalq üçün əsas prioritetdir.

Beynəlxalq münasibətlər və təhlükəsizlik siyasəti

Dövlət başçısı dünyada qlobal geosiyasi vəziyyətlə bağlı fikirlərini bölüşərək qeyd edib ki, beynəlxalq hüquq faktik olaraq güc və müttəfiqlik konteksində işləyir və bu baxımdan Azərbaycanın öz təhlükəsizlik qüvvələrini gücləndirməsi vacibdir. O, həmçinin fərqli ölkələrlə hərbi əməkdaşlıq məsələlərinə toxunub və beynəlxalq sabitliyə töhfə verən addımların önəmini vurğulayıb.

Daxili siyasət və sosio-iqtisadi inkişaf

Prezident ölkənin sosial və iqtisadi siyasətinin balanslaşdırılmış olduğunu qeyd edib. İlham Əliyevin sözlərinə görə, sosial sahəyə yönəldilmiş investisiyalar iqtisadiyyatla uzlaşdırılır və bu, sosial rifahın yüksəldilməsi üçün vacibdir. O, həmçinin köçkünlər üçün yeni yaşayış məskənləri və sosial layihələrin həyata keçirilməsini diqqətə çatdırıb.

Mədəni və milli dəyərlər

Müsahibədə Azərbaycan dilinin qorunub saxlanması və milli dəyərlərin inkişaf etdirilməsi məsələsi də müzakirə olunub. Prezident bu uğuru xalqın milli kimliyinin möhkəmlənməsi baxımından vacib sayıb.

Bahadur İsmayılov

YAP fəalı, Hacıqabul rayonu Meyniman Kənd tam orta ümumtəhsil məktəbin direktoru