Salyan sakininə qarşı quldurluq edən şəxs saxlanılıb.
2019-10-08
Baxış: 753
DİN-in “102” Zəng-Mərkəzinə müraciət edən Salyan rayon sakini F.Adışirinov oktyabrın 6-da saat 22 radələrində rayon ərazisində sərnişin qismində “Mercedes” markalı avtomobilə minərək Bakı şəhərinə gəldiyini, Yasamal rayonu ərazisində isə sürücünün onu döyərək 497 manatını aldığını bildirmişdir.
Müraciətlə əlaqədar dərhal müvafiq araşdırmalar aparılmışdır.
MAYAKİNFO xəbər verir ki, DİN-in Təhlükəsiz Şəhər Xidməti, Əlahiddə Çevik Polis Alayı, Bakı Şəhər Baş Polis İdarəsi və Yasamal RPİ 26-cı Polis Bölməsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində quldurluğu törətməkdə şübhəli bilinən, qeyd edilən nəqliyyat vasitəsinin sürücüsü, Cəlilabad rayon sakini S.Piriyev qısa müddətdə müəyyən edilərək saxlanılmışdır.Yasamal RPİ tərəfindən araşdırma aparılır.
Digər xəbərlər
2021-11-04
2023-04-18
